Гурт 5diez, які часьцей запісваецца як «#####», прысьвяціў песьню пратэстам супраць фальсыфікацыі вынікаў прэзыдэнцкіх выбараў у 2020 годзе. Кліп на яе ўжо загрузілі на Spotify, YouTube, iTunes, BOOM і іншыя плятформы для праслухоўваньня музыкі.
Відэашэраг у кліпе зьмяшчае і тэкст песьні, які падаецца ў выглядзе паведамленьняў тэлеграм-чатаў на маніторы смартфону. У тэксьце ёсьць і чатырохрадкоўе пра неабходнасьць змаганьня:
Зьяднацца і выжыць
Прыкметы сьвятла ў розных канцах
Мы тут не адны
У ланцугу стаiм да канца
Вакаліст Яўген Белавусаў, аўтар беларускага тэксту песьні Алесь Сьнег. У словах ёсьць і выраз Якуба Коласа «Памятуйце хто вы i рухайцесь далей».
Гурт ##### існуе зь 2001 году і мае вялікую папулярнасьць сярод прыхільнікаў альтэрнатыўнага мэталу як у Беларусі, так і за мяжой. За гэты час калектыў выпусьціў 6 поўнафарматных альбомаў, а таксама некалькі сынглаў і ЕР. Яго ўдзельнікі даўно жывуць у Расеі, сьпяваюць пераважна па-расейску, але актыўна рэагуюць і на падзеі на радзіме.
ГЛЯДЗІЦЕ ТАКСАМА:
«Заўтра я пайду паміраць». Аракелян прэзэнтаваў песьню, прысьвечаную загінулым пратэстоўцам. ВІДЭАГЛЯДЗІЦЕ ТАКСАМА:
Паўгодзьдзе першага жаночага ланцуга ў Менску адзначылі паэтычным кліпам. ВІДЭАГЛЯДЗІЦЕ ТАКСАМА:
Беларуска Борціч, якая выступала супраць Лукашэнкі, стала гераіняй кліпу гурту System of a DownГЛЯДЗІЦЕ ТАКСАМА:
«Мой родны кут», марш з м’юзыклу «Адрынутыя», «Зямля». Што сьпяваюць у Дзень роднай мовы. ВІДЭА