Прадстаўнік Сьвятланы Ціханоўскай у міжнародных справах Валер Кавалеўскі расказаў аб падрыхтоўцы чацьвёртага пакету санкцый супраць беларускіх чыноўнікаў. На дадзены момант штаб палітыка чакае «канкрэтных крокаў» ад Злучаных Штатаў і Эўразьвязу.
У сьпісе пададзеныя імёны асобаў, якія «ўдзельнічаюць у рэпрэсіях супраць беларусаў, парушаюць правы работнікаў і падтрымліваюць машыну рэпрэсій фінансава».
Краіны Эўразьвязу, Вялікая Брытанія, Канада і ЗША ўжо ўвялі санкцыі супраць 208 чыноўнікаў, сілавікоў і ідэолягаў Беларусі. Але толькі 13 чалавек знаходзяцца ў санкцыйных сьпісах усіх краін. Гэта Хазабек Атабекаў, Аляксандар Барсукоў, Алена Дмухайла, Лідзія Ярмошына, Вадзім Іпатаў, Генадзь Казакевіч, Юры Караеў, Іван Кубракоў, Аляксандар і Віктар Лукашэнкі, Пятро Міклашэвіч, Юры Назаранка, Алег Сьліжэўскі.
Найвялікшы санкцыйны сьпіс «памагатых рэжыму» склала Латвія — 155 чалавек. Эстонія ўнесла ў свой сьпіс 154 прозьвішчы, Літва — 148. Пад санкцыямі Эўразьвязу амаль удвая меней асобаў — 88, Вялікай Брытаніі — 61, Канады і Швайцарыі — па 55, ЗША — 25.
ГЛЯДЗІЦЕ ТАКСАМА: Эўразьвяз разглядае 4 варыянты палітыкі адносна Беларусі: ад «пачакай і паглядзі» да амаль поўнага замарожваньня адносінаў ГЛЯДЗІЦЕ ТАКСАМА: Ліст супраць санкцый Эўразьвязу даслалі ў Раду ЭЗ ГЛЯДЗІЦЕ ТАКСАМА: У Эўрапарлямэнце прапануюць увесьці санкцыі ў дачыненьні да беларускіх судзьдзяў ГЛЯДЗІЦЕ ТАКСАМА: Міністар замежных спраў Чэхіі: Буду рады пабачыць побач бел-чырвона-белы і чэскі сьцяг