Сёньня расейскім амбасадам у Нямеччыне, Польшчы і Швэцыі паведамяць, што ў кожнай з гэтых установаў адзін дыплямат абвешчаны пэрсонай нон грата, паведаміў на сваёй старонцы ў Твітэры Рыкард Юзьвяк, рэдактар Радыё Свабода.
this afternooon the Russian embassies in #Germany, #Sweden and #Poland will be told that one Russian diplomat in each of those countries will be declared persona non grata as a coordinated response to Friday%27s expulsions. #Russia #navalnyprotests
— Rikard Jozwiak (@RikardJozwiak) February 8, 2021
5 лютага расейскае Міністэрства замежных спраў паведаміла, што па адным дыплямату зь Нямеччыны, Польшчы і Швэцыі абвешчаныя пэрсонамі нон грата ў Расеі. Расейскі бок сьцьвярджаў, што супрацоўнікі генэральных консульстваў Швэцыі і Польшчы ў Санкт-Пецярбургу і амбасады Нямеччыны ў Маскве ўдзельнічалі «ў незаконных акцыях 23 студзеня 2021 году». Відавочна, маюцца на ўвазе мітынгі ў падтрымку расейскага апазыцыянэра Аляксея Навальнага.
Тром дыпляматам было загадана найбліжэйшым часам пакінуць тэрыторыю Расеі.