Паводле аналізу Realt.by, і ў Менску, і ў рэгіёнах асноўная маса попыту на кватэры прыйшлася на I квартал 2020 году.
З надыходам першай хвалі каранавірусу, а таксама скарачэньнем крэдытаваньня пад набыцьцё нерухомасьці на другасным рынку, зьдзелак паменела ва ўсіх гарадах.
ГЛЯДЗІЦЕ ТАКСАМА: Попыт на нерухомасьць у Менску дасягнуў мінімуму за апошнія 7 гадоўНевялікі ўсплёск пакупніцкай актыўнасьці адзначаўся ў III квартале: навіна аб поўным прыпыненьні крэдытаў матывавала хутка вырашыць кватэрнае пытаньне.
Аднак агулам у адсутнасьць банкаўскіх пазыкаў цягам кастрычніка-сьнежня 2020-га рынак адчуў адток попыту: у параўнаньні з аналягічнымі месяцамі 2019-га колькасьць прададзеных кватэраў у рэгіёнах скарацілася на 43–45%. Сярод абласных цэнтраў мацней за ўсё гэта выявілася ў Віцебску — адразу на 52%. Сярод буйных цэнтраў аналягічная сытуацыя была ў Мазыры і Маладэчне.
ГЛЯДЗІЦЕ ТАКСАМА: «Беларусбанк» спыніў выдачу новых крэдытаў на куплю кватэр і машынУ параўнаньні з папярэднім годам сумарная колькасьць угодаў скарацілася ў Віцебску на 25%, у Гомлі — на 27%, у Магілёве — на 16%, у Берасьці і Горадні — на 15%.
Цэны на кватэры зьнізіліся ў 14 з 17 буйных гарадоў Беларусі. Сярод абласных цэнтраў самы адчувальны адкат зафіксаваны ў Віцебску — на 6,6%. Мацней за ўсё за мінулы год цэны абваліліся ў Лідзе — амаль на 10%, а таксама ў Салігорску (–8,8%) і Баранавічах (–8,2%).