«31 студзеня нашы калегі Мікалай Шастак і Яўген Бачышчаў былі затрыманыя, — пацьвердзілі dev.by у кампаніі. — Гэта адбылося ў непрацоўны час і не на працоўным месцы. У нас няма дакладнай інфармацыі, што адбылося, але мы ведаем нашых калег як высокіх прафэсіяналаў і прыстойных людзей, якія не маглі ўчыніць супрацьпраўныя дзеяньні».
ГЛЯДЗІЦЕ ТАКСАМА: У нядзелю ў Менску на акцыях пратэсту затрымалі каля 170 чалавек, сама меней траіх шпіталізаваліПаводле інфармацыі праваабарончага цэнтру «Вясна», пасьля затрыманьня Шастака і Бачышчава даставілі ў Кастрычніцкі РУУС Менску.
1 лютага судзьдзя суду Кастрычніцкага раёну Менска Алена Жывіца асудзіла Яўгена Бачышчава на 15 дзён адміністрацыйнага арышту за ўдзел у «несанкцыянаваным масавым мерапрыемстве». Лёс Мікалая Шастака пакуль невядомы.
ГЛЯДЗІЦЕ ТАКСАМА: Харыста Дзяніса Іванова выпусьцілі на волю. Адну зь дзяўчат, што яго сустракалі, затрымалі«Зубр Капітал» — першая на тэрыторыі Беларусі прафэсійная кампанія, якая кіруе фондамі прамых інвэстыцый. Інвэстуе ў розныя сэктары эканомікі, уключна з тэлекамунікацыямі, інфармацыйнымі тэхналёгіямі, банкаўскай і фінансавай сфэрамі. Працуе ад 2010 году.