Праваабарончы цэнтар «Вясна» сабраў прозьвішчы 167 затрыманых падчас разгонаў акцыі пратэсту ў Менску.
Ініцыятыва «Сьпісы Акрэсьціна» сабрала 169 прозьвішчаў.
Паводле «Вясны», большасьць затрыманых з РУУС Менску даставілі ў турму на Акрэсьціна ў чаканьні суду, няпоўналетніх зь міліцэйскіх пастарункаў адпусьцілі.
Вядома, што па адным чалавеку з Кастрычніцкага, Першамайскага і Маскоўскага РУУС Менску шпіталізавалі.
31 студзеня ў Менску адбываліся акцыі на 176-ты дзень пратэстаў супраць фальсыфікацыі выбараў, сваволі сілавікоў і гвалту. Упершыню за доўгі час акцыі прайшлі ня толькі ў мікрараёнах, але і ў цэнтры Менску. Адбыліся затрыманьні, калі сотні чалавек выйшлі без плякатаў і сьцягоў супольна прагуляцца на праспэкце Незалежнасьці.
