Сама меней траіх, двух мужчын і жанчыну, затрымалі на нядзельных акцыях пратэсту супраць фальсыфікацыі вынікаў прэзыдэнцкіх выбараў, перасьледу іншадумцаў і ў падтрымку палітвязьня Ігара Лосіка, які галадае 41 дзень у Жодзінскім СІЗА.
Пра гэта паведамляе валянтэрскі телеграм-канал «Сьпісы затрыманых».
ГЛЯДЗІЦЕ ТАКСАМА: «Нас не зламаць!» Дваровыя маршы і ланцугі салідарнасьці ў 169-ты дзень пратэстаў у БеларусіАкцыі пратэсту прайшлі дэцэнтралізавана ў розны час у Менску і рэгіёнах Беларусі. Самым масавым было вячэрняе шэсьце ў сталічным мікрараёне Паўднёвы Захад, у якім удзельнічала каля 100 чалавек.
ГЛЯДЗІЦЕ ТАКСАМА: Пасьля суботніх акцый у Беларусі затрымалі мінімум 156 чалавекУ суботу затрымалі больш за 150 удзельнікаў пратэстаў. Суботнія затрыманьні сталі самымі масавымі пасьля 20 сьнежня мінулага году. Упершыню за апошнія некалькі тыдняў у цэнтры Менску заўважылі тэхніку сілавікоў. Першы раз пасьля 6 сьнежня ў телеграм-каналах быў прапанаваны адзіны час выхаду на вуліцы для стварэньня «ланцугоў салідарнасьці». Варта таксама адзначыць, што аднаразовы збор быў ініцыяваны ў суботу, а не ў нядзелю.