Лінкі ўнівэрсальнага доступу

Пасьля суботніх акцый у Беларусі затрымалі мінімум 156 чалавек


Менск, затрыманьне пасьля «ланцугу салідарнасьці» з палітвязьнямі
Менск, затрыманьне пасьля «ланцугу салідарнасьці» з палітвязьнямі

Пераважная большасьць затрыманых у Менску, некаторыя імёны застаюцца невядомымі. Ёсьць і тыя, каго зь міліцыі забралі мэдыкі.

У суботу ў гарадах Беларусі праходзілі «ланцугі салідарнасьці». Пратэстоўцы, у прыватнасьці падтрымалі блогера Ігара Лосіка, які трымае галадоўку супраць палітычна матываванага крымінальнага перасьледу. Валянтэры ўстанавілі імёны 156 затрыманых, піша тэлеграм-канал «Списки задержанных».

Паводле сьпісу, 2 чалавек з пастарункаў забрала хуткая дапамога, яшчэ 4 адпусьцілі.

Паводле інфармацыі Праваабарончага цэнтру «Вясна», 10 чалавек затрымалі у рэгіёнах — Маладэчне, Берасьці і Горадні.

Працягваюцца і перашкоды з боку міліцыянтаў. Валянтэры кажуць, што ў РУУС Партызанскага раёну Менску адмовіліся ісьці на кантакт зь імі, а таксама сваякамі затрыманых. Не назвалі сьпісы тых, каго ўтрымліваюць, не прынялі перадачы, нават гігіенічныя рэчы для дзяўчын. Дзяжурны адключыў дамафон.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG