Як расказалі работнікі госьпісу, да іх прыйшлі трое супрацоўнікаў ДФР, пыталіся пра апарат ШВЛ, хацелі яго забраць.
Патлумачылі, што гэта зьвязана з крымінальнай справай, заведзенай на дырэктарку госьпісу Вольгу Вялічку. Хацелі адкрыць адно з памяшканьняў у цэнтры, каб праверыць, ці ёсьць там апарат.
Псыхоляг Алена Шчарбінская патлумачыла, што ня ведае, дзе ключы ад таго памяшканьня. Ёй прапанавалі даць пісьмовую расьпіску пра гэта, супрацоўніца адмовілася. Псыхоляга хацелі забраць у міліцыю, аднак, потым зьехалі безь яе. Паведамілі, што выклічуць яе позвай.
ГЛЯДЗІЦЕ ТАКСАМА: У Горадні майстэрню пры дзіцячым госьпісе выселілі з памяшканьня праз судГэта ўжо чарговы візыт ДФР у дзіцячы госьпіс за апошнія некалькі месяцаў. Раней у госьпіса забралі іншы апарат ШВЛ. На дырэктарку госьпіса завялі крымінальную справу нібыта за нясплату падаткаў. Вольга Вялічка зьехала зь сям’ёй за мяжу, калі ў яе хацелі забраць дзяцей.
ГЛЯДЗІЦЕ ТАКСАМА: «Я выбрала сваіх дзяцей». Шчырая гутарка з дырэктаркай госьпісу, якая зьехала ад перасьледуУ сьнежні з майстэрняй пры госьпісе, дзе шылі ахоўныя касьцюмы для мэдыкаў, праз суд перарвалі дамову арэнды.
Вольга Вялічка была ў камандзе Віктара Бабарыкі, незалежнай назіральніцай падчас выбараў, уваходзіла ў савет народнага даверу, які стварылі пасьля выбараў і які меўся аб’яднаць чыноўнікаў і грамадзкіх актывістаў.
ГЛЯДЗІЦЕ ТАКСАМА: «Не чапайце дзяцей». Што адбываецца ў горадзенскім дзіцячым госьпісе пасьля візыту ДФРГэтая публікацыя падрыхтаваная з выкарыстаньнем інфармацыі БелаПАН.