Грэка-каталіцкі сьвятар Аляксей Варанко, рыма-каталіцкі Віктар Жук і вернік Аляксей Каракоў атрымалі папярэджаньні за малітву пад бел-чырвона-белым сьцягам, паведамляе «Белсат».
Адміністрацыйную справу супраць айца Жука, пробашча парафіі сьвятога Уладзіслава, айца Варанко, вікарыя грэка-каталіцкай парафіі Ўваскрасеньня Хрыстовага, а таксама верніка Каракова разглядалі ў Першамайскім судзе Віцебску. Сьвятароў прыйшло падтрымаць шмат людзей, аднак у судовай залі пакінулі толькі семярых чалавек.
Абодвух сьвятароў затрымалі 8 сьнежня і адправілі ў ізалятар. Неўзабаве над імі адбыўся суд, які ня скончыўся прысудам, а пратакол адправілі на дапрацаваньне.
На судзе Варанко, Жук і Каракоў заявілі, што апісаная ў пратаколе масавая акцыя насамрэч была малітвай.
ГЛЯДЗІЦЕ ТАКСАМА: Грэка-каталіцкага сьвятара з Івацэвічаў засудзілі на 10 дзён арышту