Міністэрства ўнутраных спраў стварыла базу ўдзельнікаў несанкцыянаваных акцый, паведаміў на канале «Беларусь-1» начальнік управы аховы правапарадку і прафіляктыкі міліцыі грамадзкай бясьпекі ГУУС Менгарвыканкаму Аляксандар Купчэня.
Такое рашэньне ў міністэрстве прынялі «пасьля падзеяў 9 жніўня.
Заносяць у базу ня толькі затрыманых, але і ідэнтыфікаваных асобаў.
Як прыклад Купчэня прывёў сытуацыю, калі дэманстранта з аднаго гораду затрымалі ў іншым, праверылі па базе — і асудзілі за паўторны ўдзел.
Першы намесьнік міністра ўнутраных спраў Юры Назаранка назваў гэта «вялізным штуршком, можна скажаць, рыўком».
БелаПАН адзначае, што раней у сацсетках зьявіліся паведамленьні, што на мяжы тых, хто быў асуджаны за ўдзел у несанкцыянаваных акцыях, надглядаюць з асаблівай стараннасьцю.
ГЛЯДЗІЦЕ ТАКСАМА: Як у Беларусі прайшлі дваровыя маршы 20 сьнежня. Галоўнае ГЛЯДЗІЦЕ ТАКСАМА: «Іду там пад 26-м нумарам». У сеціва трапіў сьпіс асобаў, за якімі нібыта сочыць ГУБАЗіК