Амэрыканская кампанія SpaceX запусьціла сакрэтны спадарожнік вагой амаль сем тонаў, які каштаваў мільярд даляраў.
Праз восем хвілінаў пасьля запуску шматразовая ступень ракеты пасьпяхова вярнулася на Зямлю. Гэта быў ужо пяты палёт гэтай ракеты.
Сёлета адбыўся 26-ы запуск ракеты прыватнай касьмічнай кампаніяй Ілана Маска.
У той жа час у Расеі сёлета зрабілі 15 касьмічных пускаў.
Шматразовыя ступені ракет Falcon кампаніі SpaceX могуць да 10 разоў лятаць у космас без істотнага міжпалётнага абслугоўваньня і да 100 разоў, калі такое абслугоўваньне рабіць. Дзякуючы гэтаму запускі ракет сталі таньнейшымі і ЗША сталі сталі адпраўляць грузы і астранаўтаў у космас, не залежачы ад паслуг Расеі.
Сярод плянаў Ілана Маска — разгортваньне сеткі спадарожнікавага інтэрнэту і палёты на Марс.
ГЛЯДЗІЦЕ ТАКСАМА: Рагозін: «Мы лічым, што Вэнэра — гэта расейская плянэта» ГЛЯДЗІЦЕ ТАКСАМА: Амэрыканскія астранаўты з новага карабля Crew Dragon прывадніліся ля берагоў Флорыды