Сябра рады руху «За свабоду» Вікторыя Таболіч стала сьведкай у справе, распачатай паводле арт. 366 КК (гвалт альбо пагроза ў дачыненьні да службовай асобы, якая выконвае службовыя абавязкі, або іншай асобы, якая выконвае грамадзкі абавязак). Дома ў яе прайшоў вобшук, канфіскавалі тэхніку. Таболіч дапыталі ў Сьледчым камітэце і адпусьцілі.
«З раніцы прыехалі дадому, ламіліся ў дзьверы. Цэлы аўтобус людзей у масках і са зброяй, паклалі ўсіх тварам у падлогу. Санкцыя пракурора на вобшук была ад 1 сьнежня», — паведаміла БелаПАН Таболіч.
Паводле яе, супрацоўнікаў апэратыўнай групы з галоўнага ўпраўленьня крымінальнага вышуку МУС цікавілі толькі кампутары і тэлефоны.
У Сьледчым камітэце ёй прапанавалі прайсьці тэст на паліграфе, яна адмовілася.
На допыце, паводле Вікторыі Таболіч, цікавіліся ў асноўным грамадзкай дзейнасьцю. Яна дала падпіску аб невыдаваньні.
«Лічу гэта ціскам і спробай запалохаць. Зь якіх часоў сьведак затрымліваюць людзі ў масках? Новы ўзровень», — заявіла Таболіч.
ГЛЯДЗІЦЕ ТАКСАМА: «Не магу маўчаць, калі побач зло». Актывіст з Горак адседзеў за пратэсты ўжо 42 дні8 сьнежня ў Горках затрымалі сябра руху «За Свабоду» Андрэя Юркова. 6 сьнежня ён правёў адзіночны пікет у падтрымку мясцовых жыхароў, затрыманых міліцыяй, трымаючы пусты ліст ватману.
Актывіста выклікалі ў РАУС, адкуль ён не выйшаў дагэтуль. Інфармацыі пра суд няма.
Андрэй Юркоў са жніўня адседзеў ужо 42 дні арышту, апошні тэрмін скончыўся 1 сьнежня.
ГЛЯДЗІЦЕ ТАКСАМА: На Магілёўшчыне для асуджанай пэнсіянэркі не прымаюць перадачы — пакуль не аплаціць знаходжаньне ў ізалятары ГЛЯДЗІЦЕ ТАКСАМА: Жнівень–сьнежань 2020. Мы — сьведкі.„Таварыш з аўтаматам зьвяртаўся да нас «бандыты»“. АБНАЎЛЯЕЦЦА