Міністар замежных спраў Чэхіі Томаш Пэтршычэк 2 сьнежня выказаўся супраць таго, каб матчы хакейнага чэмпіянату сьвету ў 2021 годзе адбываліся ў Беларусі.
«Я ўжо зьвярнуў увагу на моцную крытыку з боку Латвіі магчымай арганізацыі сумеснага чэмпіянату ў сувязі з тым, што цяпер адбываецца ў Беларусі, — сказаў Пэтршычэк чэскім журналістам. — Тамтэйшы рэжым працягвае ўжываць рэпрэсіі і гвалт супраць мірных дэманстрантаў. Я не магу ўявіць, каб дэмакратычны сьвет падтрымліваў правядзеньне чэмпіянату сьвету па хакеі ў Беларусі Аляксандра Лукашэнкі. Мая думка адназначная: мы не павінны правядзеньнем гэтага хакейнага чэмпіянату легітымізаваць рэпрэсіўны рэжым кшталту рэжыму Аляксандра Лукашэнкі».
ГЛЯДЗІЦЕ ТАКСАМА: Віцэ-прэзыдэнт Міжнароднай фэдэрацыі хакею: Матчы чэмпіянату сьвету — 2021 трэба пераносіць зь Менску