Па выніках мінулага тыдня Сусьветная арганізацыя здароўя (САЗ) упершыню зь верасьня зафіксавала зьніжэньне новых выяўленых выпадкаў заражэньня каранавірусам, які выклікае COVID-19.
Пра гэта на брыфінгу ў Жэнэве абвясьціў дырэктар САЗ Тэдрас Гебрэесус.
Дырэктар САЗ, аднак, заклікаў з асьцярожнасьцю ставіцца да гэтых лічбаў, бо «набыткі можна лёгка страціць». Паводле яго, зьмяншэньне адбылося ў асноўным за кошт Эўропы, а ў большасьці іншых рэгіёнаў працягваецца рост тэмпаў захворваньня і сьмяротнасьці ад яго.