Ляўрэаткай сёлетняй расейскай прэміі імя Андрэя Белага стала пісьменьніца Таня Скарынкіна за кнігу вершаў «И все побросали ножи».
Сама аўтарка, якая жыве ў Смаргонях і піша па-расейску і па-беларуску, паведаміла ў Фэйсбуку, што гэта яе «первая в жизни первая премия».
У 2016 годзе Таня Скарынкіна ўвайшла ў шорт-ліст прэміі Гедройця з кнігай «Шмат Чэслава Мілаша, крыху Элвіса Прэсьлі».
ГЛЯДЗІЦЕ ТАКСАМА: Як пісьменьніца Таня Скарынкіна вярнулася з Партугаліі ў Смаргоні і выдала кнігу ў БрытанііПрэмія Андрэя Белага была заснаваная ў 1978 годзе рэдакцыяй ленінградзкага самвыдатаўскага часопіса «Часы». Лічыцца найстарэйшай незалежнай прэміяй сучаснай Расеі. Прысуджаецца за эстэтычнае наватарства і экспэрымэнты.
У 2017 годзе падборка вершаў Тані Скарынкінай трапіла ў шорт-ліст Грыгор'еўскай паэтычнай прэміі ў Пецярбургу.
Грашовая частка прэміі складае 1 (адзін) расейскі рубель.