Родныя Рамана Бандарэнкі падалі ў Цэнтральнае РУУС Менску заяву, каб завялі крымінальную справу па фактах праслухоўваньня іх размоў. Аўдыё зьявілася ў эфіры тэлеканалу СТВ.
У заяве сваякі Бандарэнкі патрабуюць:
- Завесьці крымінальную справу па факце парушэньня канстытуцыйных правоў і свабодаў.
- Прыцягнуць да вызначанай законам крымінальнай адказнасьці Рыгора Азаронка і іншых невядомых асоб.
- Вызначыць, хто і з чыйго дазволу ажыцьцяўляў негалосны запіс асабістых перамоваў і на якой падставе запісы перадалі Азаронку.