У менскім двары ў раёне вуліцы Чарвякова, які назвалі «Плошчай Пераменаў», пасьля разгону акуцыі памяці забітага актыівста Рамана Бандарэнкі і затрыманьня сотняў людзей, камунальнікі разабралі народны мэмарыял.
У двор на аўтобусе прывезьлі рабочых у аранжавых робах. Яны разьбіраюць мэмарыял. Кветкі выносяць у грузавік.
Супрацоўнікі праваахоўных органаў ходзяць па разьмешчаным побач дамах, правяраюць дакумэнты ў жыхароў.
У нядзелю на «Плошчы Пераменаў» затрымалі некалькі соцень чалавек. Сілавікі ўжывалі стралялі з сьветлашумавых гранат, атачылі пратэстоўцаў і затрымалі ўсіх, забралі плякаты, бел-чырваона-белыя сьцягі і разбурылі намёты.
На гэтым тыдні загінуў 31-гадовы жыхар Раман Бандарэнка. Увечары 11 лістапада ён выйшаў на двор свайго дома, калі невядомыя ў масках прыехалі здымаць бел-чырвона-белыя стужачкі з плота. Пачалася бойка.
Бандарэнку адштурхнулі, захапілі і адвезьлі ў Цэнтральнае РУУС Менска, пасьля чаго шпіталізавалі, ад траўмаў ён памёр, не прыходзячы ў сьвядомасьць. Крымінальная справа не заведзеная, праверку праводзіць генэральная пракуратура.