Два з паловаю гады абмежаваньня волі без накіраваньня ў выпраўленчую ўстанову атрымаў вучань сярэдняй школы на Берасьцейшчыне за кінутую ў аўтамабіль міліцыі бутэльку з запальнай сумесьсю, паведамляе Генпракуратура Беларусі.
Паводле сьледзтва, 17-гадовы вучань 11 жніўня ў гарадзкім парку набыў шкляную бутэльку з запальнай сумесьсю і пасьля кінуў яе ў супрацоўніка Жабінкаўскага РАУС. Прадмет упаў каля службовага аўтамабіля і загарэўся.
Падлетак пазьней растлумачыў, што ў той дзень гуляў каля плошчы, дзе праходзіла масавае мерапрыемства. Жадаючы перашкодзіць працы супрацоўнікаў міліцыі, ён кінуў бутэльку з запальнай сумесьсю ў бок службовага аўтамабіля, пасьля чаго ўцёк. Затым падлетак напісаў яўку з павіннай.
ГЛЯДЗІЦЕ ТАКСАМА: Жнівень–лістапад 2020. Мы — сьведкі. „У мярзотнай атмасфэры пачынаеш адчуваць сябе парушальнікам“. АБНАЎЛЯЕЦЦА«Суд Жабінкаўскага раёну прызнаў абвінавачанага вінаватым у інкрымінаваных яму дзеяньнях. Суд прызначыў яму пакараньне ў выглядзе 2 гадоў 6 месяцаў абмежаваньня волі без накіраваньня ў выпраўленчую ўстанову адкрытага тыпу», — адзначаецца ў паведамленьні на сайце Генэральнай пракуратуры Беларусі.
«Прысуд не набыў законную моц, можа быць абскарджаны і апратэставаны ў апэляцыйным парадку», — адзначылі ў пракуратуры.
ГЛЯДЗІЦЕ ТАКСАМА: «Крызіс і адток кадраў». Чым пагражаюць беларускай мэдыцыне масавыя затрыманьні дактароў