Артысты Паліна Левіна і Аляксей Станога страцілі працу ў горадзенскім драмтэатры. Яны далучыліся да агульнанацыянальнага страйку, абвешчанага Сьвятланай Ціханоўскай, яшчэ 30 кастрычніка. Пра звальненьне калег расказала артыстка драмтэатру Натальля Лявонава.
Натальлю Лявонаву звольнілі з драмтэатру раней. Агулам за апошнія паўтара месяца працу ў тэатры страцілі як мінімум 14 актораў і рэжысэраў.
Акрамя пералічаных, гэта артысты Васіль Мініч, Аляксандар Дзям’янаў, Анастасія Мучко, Натэла Бялугіна, Марыя Мялешка, Марыя Бутрымовіч, Ігар Уланаў, Лізавета Мілінцэвіч, Валянціна Харытонава.
ГЛЯДЗІЦЕ ТАКСАМА: З горадзенскага драмтэатру звольнілі яшчэ шэсьць актораў, якія далучыліся да страйку27 кастрычніка першымі звольнілі яшчэ рэжысэраў Генадзя Мушперта і Сяргея Курыленку, якія маюць тэатральны стаж 48 і 40 гадоў адпаведна — нібыта за невыкананьне працоўных абавязкаў. Яны падтрымалі страйк і адмовіліся пісаць заявы на звальненьне па ўласным жаданьні.
ГЛЯДЗІЦЕ ТАКСАМА: «Я сышоў з пасады — і Лукашэнка сыдзе». Звольнілі рэжысэраў горадзенскага драмтэатру, якія пачалі страйк15 жніўня над будынкам тэатру залунаў бел-чырвона-белы сьцяг. Пачынаючы з 20 верасьня былі адмененыя або сарваныя некалькі спэктакляў. А 25 верасьня дырэктар драмтэатру Ігар Гедзіч «праз каранавірус» адмяніў усе спэктаклі, нягледзячы на аншляг. Праз тыдзень дырэктар вярнуў паказы спэктакляў, але перасьлед рэжысэраў і артыстаў працягнуўся. Спачатку частку зь іх пазбавілі месячных прэміяў і даплат, а затым пачалі звальняць.