Amnesty International выступіла з заявай, у якой заклікала ўлады Беларусі неадкладна вызваліць працоўных, якія страйкавалі, і пакласьці канец міліцэйскаму гвалту ў дачыненьні да мірных дэманстрантаў.
Пра гэтую заяву міжнароднай праваабарончай арганізацыі паведамляе БелаПАН.
«У адказ на здушэньне ўрадам Лукашэнкі мірных пратэстаў лідэры апазыцыі заклікалі да пачатку агульнанацыянальнага страйку», — адзначаецца ў заяве выканаўцы абавязкаў дырэктара «Міжнароднай амністыі» па Ўсходняй Эўропе і Цэнтральнай Азіі Дзяніса Крывашэева.
ГЛЯДЗІЦЕ ТАКСАМА: Amnesty International — уладам Беларусі: Неадкладна вызваліце Марфу Рабкову і ўсіх палітвязьняў«Мы з шокам і трывогай бачым, як гэты рэжым, які на працягу некалькіх тыдняў практыкаваў гвалт у дачыненьні да дэманстрантаў на вуліцах і ў месцах утрыманьня пад вартай, сёньня накіраваў АМАП у масках для зьбіцьця і арышту працоўных, якія страйкуюць, проста на іх працоўных месцах, — заявіў Крывашэеў. — Улады праяўляюць адкрытую пагарду да самых асноўных правоў чалавека, і права на страйк стала яшчэ адным, якое было бязьлітасна патаптанае пры дапамозе міліцэйскіх ботаў і дубінак».
ГЛЯДЗІЦЕ ТАКСАМА: Amnesty International заклікала ўлады Беларусі спыніць перасьлед Каардынацыйнай рады«Толькі ўчора сьвятлашумавыя гранаты і гумовыя кулі зноў былі выпушчаныя проста па мірных пратэстоўцах з блізкай адлегласьці, — канстатаваў прадстаўнік міжнароднай праваабарончай арганізацыі. — Пратэстоўцаў, якія ўцякалі, перасьледавалі, па іх стралялі і іх зьбівалі. Ёсьць шакуючыя кадры, як АМАП урываецца ў прыватную кватэру і зьбівае тых, хто ў ёй знаходзіцца. Супрацоўнікі праваахоўных органаў цалкам адмовіліся ад сваёй клятвы абараняць суграмадзян і атрымалі поўную свабоду дзеяньняў ва ўжыцьці да іх несэлектыўнага гвалту і масавых адвольных арыштаў».
ГЛЯДЗІЦЕ ТАКСАМА: Беларускі Хэльсынскі камітэт патрабуе ад СК завесьці крымінальную справу за масавыя катаваньні людзей у Беларусі«Урад Беларусі мусіць неадкладна пакласьці канец міліцэйскаму гвалту ў дачыненьні да мірных дэманстрантаў. Улады павінны неадкладна і безумоўна вызваліць усіх арыштаваных і прыцягнутых да адміністрацыйнай або крымінальнай адказнасьці толькі за спробу рэалізаваць свае правы на свабоду выказваньня думак і свабоду мірных сходаў, а таксама іх права на стварэньне незалежных асацыяцый і на страйк», — падкрэсьліў Крывашэеў.