Упершыню The Beatles прагучыць па-беларуску так масштабна — два дзясяткі песень за адзін вечар. Канцэртная прэм’ера адбудзецца 22 кастрычніка ў менскім рэстаране-бровары «Друзья». Яна прымеркаваная да 60-годзьдзя The Beatles.
Два дзясяткі легендарных твораў лівэрпульскай чацьвёркі пераклаў на беларускую мову паэт і музыка Мікіта Найдзёнаў. Сярод іх такія знакавыя рэчы, як Girl, Hey Jude, All You Need Is Love ды многія іншыя.
Канцэрт арганізуе музычны праект «СамШазам».
ГЛЯДЗІЦЕ ТАКСАМА: Як сэр Пол Макартні пра Беларусь даведаўся. 60 гадоў таму распачалася эпоха The BeatlesАкрамя салістаў «СамШазам» на сцэне выступяць вакаліст «Беларускіх песьняроў» Валеры Дайнека, сьпявак Юры Селязьнёў, гурт Litesound братоў Каракіных і Palina.
Паводле арганізатараў, невыпадковая і песьня, якая дала назву праграме, — With a Little Help from My Friends — «З дапамогай (най)лепшых сяброў» (так па-беларуску падпісалі афішу). Бо 2020-ы — год сяброўскай падтрымкі і салідарнасьці, канстатуюць яны.
ГЛЯДЗІЦЕ ТАКСАМА: Канцэрт праз 20 гадоў: у Менску выступіў лідэр Rouble Zone Алег МінакоўУваход на канцэрт 22 кастрычніка вольны. А 19-й пачнецца наўпроставая трансьляцыя.