Раніцай 1 кастрычніка ў кватэры адміністратара тэлеграм-чату «Грушвилль» прайшоў ператрус, мужчыну затрымалі.
У камэнтары Tut.by адвакат Антон Гашынскі ўдакладніў , што а 7-й гадзіне да адміністратара чату Дзьмітрыя Сухенкі зь ператрусам прыйшлі апэратыўныя супрацоўнікі.
Забралі кампутарную тэхніку, мабільныя тэлефоны. Пасьля ператрусу яго адвезьлі ў Маскоўскае РУУС. Раней праблемаў з праваахоўнымі органамі Сухенка ня меў.
ГЛЯДЗІЦЕ ТАКСАМА: У Менску ў парку, дзе выступаў Памідораў, дэмантавалі лаўкіПаводле юрыста, ператрус праходзіў у межах крымінальнай справы, але якой дакладна, яму не паведамілі. Пакуль што адваката не пускаюць да падабароннага.
Выглядае, што гэта першы выпадак, калі затрымалі адміністратара дваровага чату, якія ў апошні час набываюць вялізную папулярнасьць.
ГЛЯДЗІЦЕ ТАКСАМА: Дваровыя чаты: каму гэта патрэбна і чаму варта думаць пра бясьпеку