Прэзыдэнт Францыі Эманюэль Макрон правядзе сустрэчу са Сьвятланай Ціханоўскай 29 верасьня падчас свайго візыту ў Літву.
Пра гэта сёньня паведаміла агенцтва France-Presse (АFP) са спасылкай на адміністрацыю францускага лідэра.
Па дадзеных агенцтва, прэзыдэнт Францыі правядзе сустрэчу зь Ціханоўскай у Вільні раніцай у аўторак.
ГЛЯДЗІЦЕ ТАКСАМА: Лукашэнка параіў «нясьпеламу» Макрону заняцца ўнутранымі справамі ФранцыіРаней прадстаўнік францускага ўраду Габрыэль Аталь заявіў, што Эманюэль Макрон гатовы сустрэцца зь Сьвятланай Ціханоўскай падчас свайго візыту ў Літву, калі яна папросіць аб гэтым.