Беларуская асацыяцыя журналістаў сыстэматызавала факты перасьледу і рэпрэсій у адносінах да супрацоўнікаў сродкаў масавай інфармацыі ў 2020 годзе.
У табліцы (абнаўляецца ў рэжыме онлайн) сабраныя ўсе зафіксаваныя выпадкі, у якіх мела месца відавочнае парушэньне правоў журналістаў, зьвязанае з выкананьнем імі прафэсійнай дзейнасьці.
ГЛЯДЗІЦЕ ТАКСАМА: Ад 7 да 15 сутак. Яшчэ чатырох незалежных журналістаў пакаралі арыштаміАд пачатку году да дня папярэдняга галасаваньня 4 жніўня адзначана роўна 100 выпадкаў супрацьпраўнага стаўленьня да журналістаў з боку сілавікоў ці судоў. Гэта затрыманьні на акцыях, складаньне пратаколаў, ператрусы ў офісах і прыватным жыльлі.
Найбольшая актыўнасьць праваахоўнікаў у справе нэўтралізацыі мэдыя прыпадае на этап збору подпісаў за патэнцыйных кандыдатаў у прэзыдэнты, у тым ліку на пратэсты пасьля зьняволеньня прэтэндэнта на найвышэйшую пасаду Віктара Бабарыкі, адмовы ў рэгістрацыі таму ж экс-банкіру, а таксама бізнэсоўцу Валерыю Цапкалу.
ГЛЯДЗІЦЕ ТАКСАМА: Пасьля 11 сутак на Акрэсьціна выйшлі на волю фотакарэспандэнты Уладзь Грыдзін і Аляксандар ВасюковічА ўжо пачынаючы ад датэрміновага галасаваньня рэпрэсіі набылі татальны характар. Да згаданай першай сотні дадаліся яшчэ 230 фактаў: масавыя затрыманьні на акцыях, прыцэльныя расстрэлы гумовымі кулямі, загрузка ў аўтазакі, адміністрацыйныя арышты, крымінальныя справы, блякаваньне сайтаў, пазбаўленьне акрэдытацый.
Гэта пры тым, што міністар унутраных спраў Юры Караеў публічна абяцаў не чапаць прадстаўнікоў СМІ: «Журналісты — гэта сьвятое», — высакапарна казаў ён. Насуперак заявам, камізэлькі з надпісам «Прэса» сталі не паратункам, а мішэньню.
ГЛЯДЗІЦЕ ТАКСАМА: Галоўны рэдактар «Нашай нівы» ў ізалятары, яго падазраюць у паклёпе на намесьніка кіраўніка МУСКалі вам сталі вядомыя факты перасьледу журналістаў за выкананьне прафэсійных абавязкаў, БАЖ просіць паведамляць пра іх на электронную пошту press@baj.by альбо праз тэлефон +375 291 26 70 98.