Швэцыя ня лічыць Аляксандра Лукашэнку легітымным прэзыдэнтам Беларусі, напісала ў сваім Твітэры швэдзкая міністарка замежных справаў Ан Ліндэ.
Lukashenko’s hastily and unannounced inauguration reaffirms his lack of legitimacy as a democratically elected leader. Election on 9 August was neither free nor fair. We will continue to hold him accountable for violence & repression against opposition and peaceful demonstrators
— Ann Linde (@AnnLinde) September 23, 2020
«Пасьпешлівая і праведзеная без папярэджаньня інаўгурацыя Лукашэнкі яшчэ раз пацьвярджае яго нелегітымнасьць як дэмакратычна абранага лідэра. Выбары 9 жніўня не былі ні свабоднымі, ні справядлівымі. Мы працягнем лічыць яго адказным за гвалт і рэпрэсіі супраць апазыцыі і мірных дэманстрантаў».
Пра непрызнаньне Аляксандра Лукашэнкі прэзыдэнтам Беларусі заявілі высокапастаўленыя прадстаўнікі шэрагу дзяржаў — Вялікай Брытаніі, Нямеччыны, Даніі, Канады, Латвіі, Літвы, Нідэрляндаў, Нарвэгіі, Польшчы, Славаччыны, ЗША, Украіны, Чэхіі і Эстоніі.