Ніводзін арганізатар і ўдзельнік несанкцыянаваных акцый не пазьбегне адказнасьці, заявіў генэральны пракурор Андрэй Швед падчас каардынацыйнай нарады ў барацьбе са злачыннасьцю і карупцыяй.
«Праваахоўныя органы разам са складанымі задачамі, выклікамі і пагрозамі, якія вырашаюць цяпер, спраўляюцца з тым, каб злачыннасьць знаходзілася пад поўным і жорсткім кантролем, — заявіў Андрэй Швед. — Што да грамадзкага парадку ў сталіцы і іншых населеных пунктах, сытуацыя кантраляваная і з кожным днём паляпшаецца».
ГЛЯДЗІЦЕ ТАКСАМА: Лукашэнка прызначыў новага генэральнага пракурораГенэральны пракурор падкрэсьліў, што ўсе вінаватыя «будуць пакараныя рана ці позна».
«Ніводзін блогер, ніводная асоба, якая зрабіла злачынства ня толькі на несанкцыянаваных мерапрыемствах, але і ў інтэрнэце, не пазьбегне адказнасьці. Сёньня вядзецца праца ў выяўленьні і прыцягненьні іх да адказнасьці. У найбліжэйшыя месяцы грамадзкасьць даведаецца пра вынікі гэтай працы праз адкрыты судовы разгляд шэрагу крымінальных спраў, дзе з улікам бясспрэчных доказаў вы пераканаецеся, што праваахоўныя органы толькі будуць нарошчваць свае намаганьні ў спыненьні падобнага кшталту злачынстваў і правапарушэньняў».
ГЛЯДЗІЦЕ ТАКСАМА: Генпракуратура расказала, хто ўвайшоў у камісію для праверкі фактаў жорсткага абыходжаньня з затрыманыміПры гэтым Андрэй Швед не расказаў, чаму дагэтуль няма ніводнай крымінальнай справы на праваахоўнікаў, якія злоўжылі паўнамоцтвамі супраць мірных пратэстоўцаў. Паводле праваабаронцаў, на гэты момант у адпаведныя структуры пададзена прыкладна 1800 заяваў на гвалт з боку сілавікоў.