Чальцы Кааардынацыйнай рады Марыя Калесьнікава, Максім Знак і Ільля Салей прызнаныя палітычнымі зьняволенымі. Агулам колькасьць палітвязьняў у Беларусі наблізілася да 60 чалавек.
Ад самага пачатку свайго стварэньня Каардынацыйная рада была рэзка нэгатыўна ўспрынятая кіраўніцтвам Беларусі і асабіста Аляксандрам Лукашэнкам. Яшчэ 18 жніўня ён заявіў што яе дзейнасьць незаконная і што гэта спроба захопу ўлады.
ГЛЯДЗІЦЕ ТАКСАМА: «Не да законаў». Лукашэнка загадаў жорстка разабрацца з «арганізатарамі і агітатарамі каардынацыйных радаў»Праз два дні пасьля яго выступу Генэральнай пракуратурай па факце стварэньня і дзейнасьці Каардынацыйнай рады была пачатая крымінальная справа паводле арт. 361 КК.
«Мы перакананыя, што крымінальны перасьлед Марыі Калесьнікавай, Максіма Знака і Ільлі Салея мае палітычна матываваны характар і скіраваны на спыненьне іх законнай дзейнасьці, — гаворыцца ў супольнай заве праваабаронцаў. — Прадэманстраваныя спэцслужбамі неправавыя падыходы (выкраданьне і спроба гвалтоўнага выдварэньня за межы краіны Марыі Калесьнікавай у працяг такіх жа практык, ужытых у дачыненні да Сьвятланы Ціханоўскай і Вольгі Кавальковай), а таксама пагрозы фізычнай расправы яшчэ болей падкрэсьліваюць супрацьпраўны характар перасьледу».
ГЛЯДЗІЦЕ ТАКСАМА: Калесьнікава запатрабавала ад Сьледчага камітэту завесьці крымінальную справу супраць яе выкрадальнікаўНа падставе гэтага прадстаўнікі беларускіх праваабарончых арганізацый заявілі аб прызнаньні Марыі Калесьнікавай, Максіма Знака і Ільлі Салея палітычнымі зьняволенымі. Праваабаронцы патрабуюць неадкладнага іх вызваленьня і спыненьня крымінальнага перасьледу.