Справу чатырох супрацоўнікаў ІТ-кампаніі PandaDoc, якіх арыштавалі паводле падазрэньня ў крадзяжы ў асабліва буйным памеры, перадалі ў цэнтральны апарат Сьледчага камітэту Беларусі, расказаў 42.Tut.by адвакат Антон Гашынскі.
Сьледчых дзеяньняў зь імі пакуль не праводзяць. Да 11 верасьня ім павінны выставіць абвінавачваньне або адпусьціць.
«Хлопцы знаходзяцца ў СІЗА на Валадарскага, — адзначыў адвакат. — Умовы ўтрыманьня, мякка кажучы, нядобрыя, праводзяцца ператрусы камэры з прадузятасьцю, але яны трымаюцца. Зьдзіўленыя абсурднасьцю падазрэньняў, віны не прызнаюць».
ГЛЯДЗІЦЕ ТАКСАМА: Чатыры топ-мэнэджэры IT-кампаніі PandaDoc арыштаваныя ў Менску, кампанія заяўляе пра помсту ўладаў. ВІДЭАЧатырох супрацоўнікаў кампаніі PandaDoc — гэта галоўны бухгальтар Юлія Шардыка, дырэктар Дзьмітрый Рабцэвіч, дырэктар па прадукту Віктар Куўшынаў і HR Уладзіслаў Міхалап — арыштавалі на два месяцы. Іх падазраюць у крадзяжы ў асабліва буйным памеры (ч. 4 арт. 210 КК РБ). Іх абвінавачваюць у тым, што яны, выкарыстоўваючы сваё службовае становішча, завалодалі грашыма памерам каля 107 тысяч беларускіх рублёў зь бюджэту.
У самой кампаніі заявілі, што гэтае абвінавачаньне не адпавядае рэчаіснасьці, а ўся дзейнасьць фірмы вялася ў поўнай адпаведнасьці з заканадаўствам. У PandaDoc заявілі, што ўлады праводзяць рэпрэсіі і чыняць ціск, каб спыніць ініцыятыву кампаніі Protect Belarus па дапамозе супрацоўнікам сілавых ведамстваў, якія страцілі працу, бо «адмовіліся выконваць злачынныя загады».
ГЛЯДЗІЦЕ ТАКСАМА: Заснавальнікі PandaDoс не перастануць падтрымліваць звольненых сілавікоў. Супрацоўнікаў кампаніі арыштавалі ГЛЯДЗІЦЕ ТАКСАМА: «Паміж уладай і народам лютая нянавісьць». Інтэрвію з заснавальнікам PandaDoc Мікітам Мікадам