Украінскія экстрэмісты і нацыяналісты ў Беларусі імкнуцца дэстабілізаваць сытуацыю, заявіў дырэктар Службы зьнешняй выведкі Расеі і старшыня Расійскага гістарычнага таварыства Сяргей Нарышкін.
«Дзіўным было б, каб украінскія экстрэмісты, нацыяналісты заклікалі да міру і згоды ў Беларусі, — цытуе яго агенцтва ТАСС. — Ім мала таго, якое гора яны прынесьлі народу Ўкраіны, жыхарам Данецкай і Луганскай рэспублік. Яны хочуць гэты пажар распаўсюдзіць і на Беларусь. Не атрымаецца».
ГЛЯДЗІЦЕ ТАКСАМА: «Выступаюць за культурны разрыў з Расеяй». Крэмль адмовіўся размаўляць з Каардынацыйнай радайШэраг краін Усходняй Эўропы выкарыстоўвае гісторыю для спробаў абяліць нацызм ва ўгоду нацыянальным элітам, удакладніў далей Сяргей Нарышкін.
«Няцяжка заўважыць, што ў шэрагу краін Усходняй Эўропы — Латвіі, Літве, Польшчы — навука перастае быць уласна навукай, яе паставілі прыслугоўваць вузкаму колу нацыянальных элітаў гэтых краін. Адсюль спробы абяліць злачынствы нацызму, у тым ліку, нацысцкіх памагатых», — адзначыў ён.
Паводле Нарышкіна, дадзеная сытуацыя нясе пагрозу захаваньню нацыянальнай ідэнтычнасьці.
«Гэта вельмі небясьпечны шлях, таму што гістарычная памяць разам з мовай зьяўляюцца падмуркам нацыянальнай самасьвядомасці. І калі шляхам фальсыфікацый гэты падмурак падточваць, ёсьць рызыка для захаваньня нацыянальнай ідэнтычнасьці», — падкрэсьліў старшыня Расійскага гістарычнага таварыства.
Пры гэтым ён не зьвярнуў увагу, у якім стане праз цяперашнюю палітыку кіраўніцтва краіны апынулася беларуская мова.
ГЛЯДЗІЦЕ ТАКСАМА: «Гэта трызьненьне». МЗС Украіны абвергла заяву Лаўрова пра ўкраінскіх экстрэмістаў, нібыта накіраваных у БеларусьНапярэдадні міністар замежных спраў Украіны Дзьмітро Кулеба абверг выказваньні кіраўніка МЗС Расеі Сяргея Лаўрова пра тое, што радыкальныя дзеяньні падчас дэманстрацыяў у Беларусі нібыта правакуюцца і фінансуюцца з тэрыторыі Ўкраіны.
Па яго словах, 1 200 украінскіх экстрэмістаў, нібыта накіраваных у Беларусь для дэстабілізацыі сытуацыі, і лягеры падрыхтоўкі экстрэмістаў ва Ўкраіне зьяўляюцца плодам хваравітай фантазіі.
Пры гэтым сама Расея нават не хавае, што ўжо накіравала некаторых сваіх «спэцыялістаў» у Беларусь і гатовая накіраваць іх яшчэ больш.
Таму спробы Масквы прадставіць сваіх «зялёных чалавечкаў» у Беларусі як украінскіх экстрэмістаў — танны і пройгрышны трук, — падсумаваў Дзьмітро Кулеба.