Пасьля выбараў 9 жніўня не было ніякіх тэлефонных размоваў паміж канцлеркай Нямеччыны Ангелай Мэркель і Аляксандрам Лукашэнкам. Як паведамляе Reuters, пра гэта заявіў прэсавы сакратар нямецкага ўраду.
Такім чынам, Бэрлін абверг заяву, якую зрабіў Аляксандар Лукашэнка сёньня раніцай. Выступаючы на Менскім заводзе колавых цягачоў, ён сказаў: «Ужо ўчора тэлефануе Мэркель: "Я хачу пагаварыць". Гэтыя - Наўседа там і іншыя. «Мы хочам пагаварыць». Не трэба мяне нахіляць ні з Захаду, ні з Усходу».
ГЛЯДЗІЦЕ ТАКСАМА: Рабочыя Лукашэнку: «Сыходзь!». Ціханоўская: «Я гатовая». Найважнейшае за 17 жніўня