У перадачы «Панарама» дзяржаўнага тэлеканалу «Беларусь 1» 17 жніўня заявілі, што да сёньняшняй сустрэчы Аляксандра Лукашэнкі з рабочымі Менскага заводу колавых цягачоў «рыхтавалася правакацыя».
«Прэзыдэнта папярэджвалі, што рыхтуецца правакацыя, прапаноўвалі адкласьці візыт на прадпрыемства, але Аляксандар Лукашэнка не зьмяніў рашэньня. Як і чакалася, усё пачалося з крыкаў, як па мэтадычцы», — паведамілі ў «Панараме».
ГЛЯДЗІЦЕ ТАКСАМА: Поўны запіс гутаркі Лукашэнкі з рабочымі МЗКЦ 17 жніўня. ВІДЭАТаксама ў сюжэце было заяўлена, што ў сваёй перадвыбарчай праграме Сьвятлана Ціханоўская нібыта абяцала разарваць усе сувязі і закрыць мяжу з Расеяй.
Агульная танальнасьць інфармацыйных і аналітычных перадачаў БТ не памянялася. Пры гэтым тэлеканал АНТ у навінавых выпусках апошніх дзён стаў падаваць інфармацыю больш збалянсавана і нэўтральна.
ГЛЯДЗІЦЕ ТАКСАМА: Дзяржаўная тэлевізія Горадні ўключыла жывую трансьляцыю акцыі пратэсту ў цэнтры гораду. ВІДЭАЦяпер на сайце АНТ сустрэча апісваецца такім чынам:
«Раніцай, калі стала вядома, што Аляксандар Лукашэнка наведвае МЗКЦ, да прадпрыемства накіраваліся работнікі двух іншых буйных сталічных заводаў — трактарнага і электратэхнічнага.
Завадчане заяўляюць, што хочуць данесьці Прэзыдэнту сваю пазыцыю і гатовыя адстойваць грамадзянскія правы. Пасьля размовы з рабочымі ў цэхах Аляксандар Лукашэнка выйшаў да людзей на вуліцы».
ГЛЯДЗІЦЕ ТАКСАМА: Рабочыя Лукашэнку: «Сыходзь!». Ціханоўская: «Я гатовая». Найважнейшае за 17 жніўня