У нямецкім Дзюсэльдорфе адбылася акцыя салідарнасьці зь беларускімі палітзьняволенымі.
Некалькі дзясяткаў удзельнікаў зь бел-чырвона-белымі сьцягамі і плякатамі ў падтрымку дэмакратычных пераўтварэньняў выстраіліся на Карнэліюс-пляцы, раздаваліся воклічы «Жыве Беларусь», «Свабоду Беларусі» ды іншыя.
ГЛЯДЗІЦЕ ТАКСАМА: Беларускі ланцуг салідарнасьці. Філядэльфія і Нью-Ёрк«Мы прыйшлі падтрымаць тых людзей, якія цяпер знаходзяцца ў зьняволеньні, а таксама ўсіх тых, хто выходзіў на пікеты салідарнасьці па ўсёй Беларусі, — расказала адна з удзельніц акцыі Натальля Васілевіч. — Мы разам з тымі, хто ўжо 26 гадоў цярпіць ад палітычнага рэжыму Лукашэнкі. Нельга кідаць у турму толькі за тое, што ў кагосьці іншае меркаваньне».
З пачаткам рэпрэсій супраць апанэнтаў Аляксандра Лукашэнкі ланцугі салідарнасьці з народам Беларусі праходзяць у розных краінах сьвету.
ГЛЯДЗІЦЕ ТАКСАМА: Беларускія ланцугі салідарнасьці: Турэччына і Кіпр