Пасьля затрыманьня блогера Сяргея Ціханоўскага і некалькіх ягоных прыхільнікаў перасьлед актывістаў працягваецца. Так, у Паставах распачалі адміністрацыйны працэс у дачыненьні да хатняй гаспадыні Ганны Федаронак.
ГЛЯДЗІЦЕ ТАКСАМА: Выбарная кампанія ў Беларусі пачалася з рэпрэсій, — праваабаронцыЖанчыну вінавацяць у тым, што ў тэлеграм-канале «Пастаўшчына для жыцьця» яна зрабіла допіс, у якім заклікала падпісчыкаў сабрацца на свой «антыпарад». Яна патлумачыла, што гэта было рэакцыяй на заблякаваны праваахаўнікамі збор 9 траўня ў Бабруйску.
На заклік Ганны Федаронак у Паставах ніхто не адгукнуўся, але зьявіліся адміністрацыйныя захады за «спробу арганізацыі несанкцыянаванага мерапрыемства».
ГЛЯДЗІЦЕ ТАКСАМА: Блогера Ўладзімера Няронскага ня выпусьцілі з ІЧУ — дадалі яшчэ 5 сутак арыштуПаводле зьвестак «Віцебскай Вясны», яшчэ 8 траўня да Федаронак прыйшлі праваахоўнікі і запатрабавалі праехаць у Пастаўскі РАУС. Дзьверы жанчына не адчыніла, бо дома была адна з малодшай дачкой і ўнукамі. Ніякай позвы міліцыянты не ўручылі, ня здолелі таксама патлумачыць мэту свайго візыту.
На наступны дзень да яе прыйшоў намесьнік начальніка Пастаўскага РАУС Аляксандар Мядзелка, ад сустрэчы зь якім гаспадыня таксама адмовілася.
ГЛЯДЗІЦЕ ТАКСАМА: У Лідзе далі 15 сутак яшчэ аднаму прыхільніку блогера Ціханоўскага. Усяго асуджана больш як 100 чалавек15 траўня Ганна Федаронак атрымала позву і зьявілася ў Пастаўскі РАУС. У міліцыі жанчына папярэдзіла, што ў яе трымаецца высокая тэмпэратура і яна адчувае сябе кепска. Міліцэйскі начальнік пагадзіўся адкласьці разбор. Пасьля мэдагляду, які засьведчыў падвышаную тэмпэратуру, лекар аформіў даведку.
Складаньне пратаколу ў дачыненьні Ганны Федаронак перанесьлі на той час, калі здароўе жанчыны палепшыцца.