Падзеі 24 траўня ў беларускай і сусьветнай гісторыі.
Дата дня
24 траўня 1941 году нарадзіўся амэрыканскі музыкант Боб Дылан. У 2017 годзе Дылан стаў ляўрэатам Нобэлеўскай прэміі па літаратуры.
Таксама ў гэты дзень
1891 — у Менску арганізавалі першую публічную выставу выяўленчага мастацтва. Выстаўлялася каля 100 работ мясцовых мастакоў.
1917 — у Менску пачалося выданьне газэты «Грамада», рэдактарам якой стаў Аркадзь Смоліч.
Беларускі навуковец, палітык і грамадзкі дзеяч Аркадзь Смоліч з жонкай. Здымак 1920 году
1996 — у Горадні пачаўся Першы фэстываль нацыянальных культураў.
У гэты дзень нарадзіліся
1904 — Адам Русак, паэт-песеньнік
1905 — Міхаіл Шолахаў, расейскі савецкі пісьменьнік, ляўрэат Нобэлеўскай прэміі.
1930 — Галіна Русак, мастачка, дзеячка эміграцыі ў ЗША.
1940 — Іосіф Бродзкі, савецкі і амэрыканскі расейскі паэт, расейскі і ангельскі эсэіст, драматург, перакладчык, ляўрэат Нобэлеўскай прэміі па літаратуры 1987 году.
Іосіф Бродзкі ў Мічыганскім унівэрсытэце
У памяці
1377 — памёр вялікі князь літоўскі Альгерд.
1543 — памёр Мікалай Капернік, польскі астраном і матэматык.
1863 — у Вільні за чытаньне ў Ваверскім касьцёле (цяпер Лідзкі р-н) маніфэста паўстаньня, расстраляны ксёндз Раймунд Зямацкі.