Памёр сузаснавальнік нямецкага музычнага гурту Kraftwerk Флёрыян Шнайдэр, паведамляе часопіс Billboard. Піянэру электроннай музыкі было 73 гады, ён хварэў на рак.
Farewell to the extraordinary Florian Schneider (1947-2020) of @kraftwerk - the man machine lives on through an astonishingly original back catalogue of inspirational music. pic.twitter.com/yWF5UGwq8c
— Robin Rimbaud - Scanner (@robinrimbaud) May 6, 2020
Kraftwerk — адзін з найбольш уплывовых гуртоў у гісторыі электроннай музыкі. Ён быў заснаваны Шнайдэрам ў 1970 годзе разам з Ральфам Хютэрам. Шнайдэр браў удзел у запісе ўсіх альбомаў гурту. Kraftwerk паўплываў на разьвіцьцё электроннай музыкі, сінты-попу, хіп-хопу і року інавацыйным падыходам да гуку.
Доўгі сьпіс артыстаў, на якіх паўплываў Kraftwerk, уключаў Depeche Mode, Daft Punk і Дэйвіда Боўі, які назваў трэк V-2 Schneider у сваім альбоме Heroes у гонар Шнайдера.
Coldplay выкарыстоўвалі ўрывак з Computer Love ў сваёй песьні Talk, а Jay-Z і Dr. Dre цытавалі Trans Europe Express у сваім трэку Under Pressure – нагадвае Бі-бі-сі.