Ад Менска да Магілёва. Як выглядае грамадзкі транспарт у гадзіну пік. ФОТА

Беларускія ўлады ня ўводзілі карантыну — людзям даводзіцца езьдзіць на працу і вучобу ў звыклым рэжыме. І калі ў сталіцы можна сплянаваць паездку на адносна частых і прасторных сродках транспарту, то ў рэгіёнах і інтэрвалы радзейшыя, і альтэрнатывы цесным маршруткам можа ня быць.

Паводле Аляксандра Лукашэнкі, Беларусь можа ня выстаяць, калі эканоміка спыніцца на прыклад суседніх краінаў. Таму ён «хвалюецца», каб «людзі жылі сваім жыцьцём».

2 красавіка фотакарэспандэнты Свабоды паназіралі за грамадзкім транспартам у гадзіну пік у Менску і ў чатырох абласных цэнтрах. Вось што яны пабачылі.

Віцебск

Кандуктарка ў тралейбусе сказала, што цяпер езьдзіць хіба траціна пасажыраў. І з гэтага тыдня, паводле яе слоў, скарачаюць колькасьць рэйсаў.

Гомель

Нават у гадзіну пік у цэнтры Гомля людзей на прыпынках стала значна менш. Салёны транспарту паўпустыя. Пачалі зьяўляцца людзі ў масках, але пакуль іх адзінкі. Паводле таксістаў, апошнім часам у іх стала нашмат менш кліентаў — практычна цэлымі днямі сядзяць бяз працы. Тлумачаць для сябе гэта тым, што ў людзей стала менш грошай.

Горадня

Людзей у гадзіну пік у транспарце паменела. У масках мала хто, у пальчатках зусім не відаць.

Магілёў

Аўтобусы для гадзіны пік амаль што парожнія. Людзі па магчымасьці ідуць дахаты пешшу. Разам з тым, цэнтральная пешаходная вуліца амаль пустая.

Менск

У Менску ўсё болей людзей у грамадзкім транспарце надзяваюць маскі.

ГЛЯДЗІЦЕ ТАКСАМА:

Пандэмія каранавірусу ў Беларусі і ў сьвеце. Як разьвіваюцца падзеі

ГЛЯДЗІЦЕ ТАКСАМА:

«Забралі дзяцей, бацькоў, настаўнікаў — усіх!» У вёсцы пад Гомлем у хлопчыка западозрылі каранавірус

ГЛЯДЗІЦЕ ТАКСАМА:

«Тата хацеў праславіць Віцебск як актор, а праславіў як першая ахвяра каранавірусу». Інтэрвію з дачкой Віктара Дашкевіча. ВІДЭА

ГЛЯДЗІЦЕ ТАКСАМА:

«Яна мучылася пад дыхальным апаратам». Стала вядома пра трэцюю сьмерць беларускі з каранавірусам