Кіраўнік Пэнтагону Марк Эспэр абвінаваціў Расею ў парушэньні палажэньняў Пагадненьня аб «адкрытым небе». Паводле яго, Масква блякуе палёты самалётаў ЗША над Калінінградам і ў Грузіі, нягледзячы на ўмовы пагадненьня.
«Нам таксама адмаўляюць у доступе да палётаў у межах вайсковых вучэньняў», — сказаў Эспэр.
Дамова аб адкрытым небе пачала дзейнічаць у 2002 годзе. Яе падпісалі 34 краіны, уключаючы Расею. Дамова закліканая падняць узровень міжнароднай стабільнасьці шляхам дазволу краінам-падпісантам ажыцьцяўляць выведвальныя палёты над сваімі тэрыторыямі.
У апошнія гады назіральнікі ЗША абвінавачвалі Расею ў злоўжываньні сваімі правамі: ажыцьцяўленьні назіраньняў з больш прасунутым інструмэнтаром і ня толькі ў рамках пэўных маршрутаў.
Паводле The Wall Street Journal, у кастрычніку 2020 году прэзыдэнт ЗША Дональд Трамп падпісаў дакумэнт, які сыгналізаваў аб намерах ягонай адміністрацыі выйсьці з Дамовы аб адкрытым небе.
ГЛЯДЗІЦЕ ТАКСАМА: «Адкрытае неба»: каго трэба папярэдзіць перад назіральным палётам над Беларусьсю. СЬПІСГЛЯДЗІЦЕ ТАКСАМА: Беларусь і ЗША ўпершыню падпісалі двухбаковую дамову аб адкрытым небе