У студэнта з Ірану, у якога выявілі каранавірус, мінімальныя прыкметы парушэньня здароўя, ён адчувае сябе здавальняюча. Пра гэта паведаміў міністар аховы здароўя Ўладзімер Каранік, перадае БелТА.
Малады чалавек пражываў на кватэры, цяпер ён шпіталізаваны для мэдыцынскага назіраньня. Тэмпэратура ў яго не падымаецца вышэй за 37,4 градуса.
Са студэнтамі, зь якімі ён разам вучыўся, праводзяцца «супрацьэпідэміялягічныя захады», адзначыў міністар.
ГЛЯДЗІЦЕ ТАКСАМА: Пандэмія каранавірусу ў Беларусі і ў сьвеце. Як разьвіваюцца падзеі«ВНУ, у якім выявілі носьбіта каранавірусу, пераводзіцца на індывідуальную праграму навучання. Гэта БНТУ», — сказаў ён.
Паводле яго, маладога чалавека выклікалі на абсьледаваньне ў 33-ю паліклініку Менску. На момант агляду ў яго скаргаў не было. Але мэдработнікаў зьбянтэжыла невялікая тэмпература (37,3 градуса) і пачырваненьне ў горле.
Ён быў дастаўлены ў інфэкцыйную лякарню, дзе ўзялі мазкі і пацьвердзілі наяўнасьць інфэкцыі зь сямейства каранавірусаў. Цяпер удакладняецца, наколькі гэта эпідэміялягічны штам.