Беларускі офіс па правах людзей з інфаліднасьцю 19 лютага прадставіў «альтэрнатыўную» справаздачу аб імплемэнтацыі Канвэнцыі аб правах людзей з інваліднасьцю, расказвае «Вясна».
Беларусь падпісала Канвенцыю ў 2016 годзе і ў пачатку 2019-га адправіла ў ААН афіцыйную справаздачу.
Кіраўнік Офісу па правах людзей з інваліднасьцю Сяргей Драздоўскі заявіў, што афіцыйны дакумэнт не адлюстроўвае меркаваньне грамадзтва. Таму яго дапоўнілі альтэрнатыўнай грамадзкай справаздачай: дзяржава акцэнтавала ўвагу на дасягненьнях, а ў альтэрнатыўнай справаздачы больш гаворыцца аб праблемах.
ГЛЯДЗІЦЕ ТАКСАМА: У Беларусі за год стала на 3,6 тысячы інвалідаў большАўтары альтэрнатыўнага дакладу рэкамэндуюць дзяржаве шэраг рэчаў — заўвагі ёсьць па кожным з пунктаў Канвэнцыі. Галоўныя заўвагі такія:
- Працягнуць дыскусію пра правы людзей з інваліднасьцю, узмацніць «праваабарончае разуменьне інваліднасьці» і супрацу з грамадзянскай супольнасьцю.
- «Больш прама і дакладна» выконваць пункты Канвэнцыі.
- Стварыць упаўнаважаны орган па правах людзей з інваліднасьцю, які мог бы быць надурадавым, выконваў кантрольныя функцыі і мог бы прымаць «больш радыкальныя і сур’ёзныя захады, чым урад».
- Прыняць антыдыскрымінацыйнае заканадаўства, замацаваць забарону дыскрымінацыі і форму абароны людзей з інваліднасьцю.
- Прывесьці ў адпаведнасьць Канвэнцыі паняцьці дзеяздольнасьці і працаздольнасьці.