У Менску на 83-м годзе жыцьця памёр рэжысэр Барыс Луцэнка.
Пра гэта паведамілі ў Нацыянальным акадэмічным драматычным тэатры імя Горкага, якому творца прысьвяціў амаль паўстагодзьдзя сваёй дзейнасьці.
Барыс Луцэнка паставіў больш за сотню спэктакляў на розных сцэнах у Беларусі, Расеі, Украіне, Латвіі, Літве, Нямеччыне, Швайцарыі. Сярод ягоных работ «Макбэт», «Гамлет», «Рэвізор» і многія іншыя.
У пачатку 1990-х ён таксама займаўся грамадзкай дзейнасьцю, быў у аргкамітэце Грамадзянскай партыі, якая пазьней перафарматавалася ў Аб’яднаную грамадзянскую партыю.
Апошнім часам Барыс Луцэнка цяжка хварэў, мала зьяўляўся на публіцы. Разьвітаньне з творцам адбудзецца 7 лютага ў ягоным тэатры.
ГЛЯДЗІЦЕ ТАКСАМА: Вянок памяці: Барыс Луцэнка, рэжысэр, які «зьмяніў тэатральную мову»