Амбасада ЗША ў Багдадзе абвясьціла аб прыпыненьні працы з прычыны акцый пратэсту, якія праходзілі каля будынка дыпляматычнай місіі з 31 сьнежня.
Ірацкія сілы бясьпекі кантралююць тэрыторыю каля дыпляматычнага прадстаўніцтва, але грамадзянам ЗША рэкамэндуецца не набліжацца да будынка амбасады. Усе консульскія паслугі прапануецца вырашаць у генэральным консульстве ў горадзе Арбіл.
ГЛЯДЗІЦЕ ТАКСАМА: Удзельнікі праіранскіх фармаваньняў зьнялі аблогу амбасады ЗША ў БагдадзеПраз пратэсты ў Іраку дзяржсакратар ЗША Майк Пампэо адклаў візыт у Казахстан, Узбэкістан, Беларусь, Украіну і Кіпр.
ГЛЯДЗІЦЕ ТАКСАМА: Дзяржсакратар ЗША Майк Пампэо адклаў паездку ў Беларусь у сувязі з падзеямі ў ІракуПрычынай беспарадкаў перад будынкам амэрыканскай дыпмісіі сталі авіяўдары амэрыканскіх вайскоўцаў па аб’ектах праіранскіх шыіцкіх фармаваньняў, у выніку якіх загінулі ня менш за 25 чалавек. Вашынгтон называе ўдары адказам на няспынныя атакі на амэрыканскія вайсковыя базы.
Прэзыдэнт ЗША Дональд Трамп абвінаваціў у атаках на пасольскі комплекс у Багдадзе Іран. Тэгеран абвінавачаньні адхіляе.