Суд у Парыжы вырашыў, што француская кампанія нясе фінансавыя абавязаньні ў сувязі са сьмерцю супрацоўніка, у якога здарыўся інфаркт падчас сэксу з незнаёмкай у камандзіроўцы.
Як паведамляе Бі-бі-сі, суд пастанавіў, што сьмерць Хавіера Х — няшчасны выпадак на вытворчасьці, а ягоная сям’я мае права на кампэнсацыю.
Фірма сьцьвярджала, што мужчына не выконваў прафэсійных абавязкаў, калі ён пайшоў да жанчыны ў яе нумар у гатэлі. Але паводле францускага заканадаўства працадаўца нясе адказнасьць за любы няшчасны выпадак, які адбыўся падчас камандзіроўкі, пастанавілі судзьдзі.
ГЛЯДЗІЦЕ ТАКСАМА: Як кахалася шляхта і чаму ліцьвінак лічылі распуснымі. Выйшла кніга пра сэкс у ВКЛ. 18+Супрацоўнік у камандзіроўцы мае права на сацыяльную абарону «на працягу ўсяго часу паездкі» і незалежна ад абставін, гаворыцца ў рашэньні суду.
ГЛЯДЗІЦЕ ТАКСАМА: Выносілі на сабе, вывозілі на «МАЗе». Як з баранавіцкай вайсковай часткі тры гады кралі зброю