У Беластоку сёньня адбываецца першы ў гісторыі гораду «Парад роўнасьці», які ладзяць арганізацыі ЛГБТ. Мерапрыемства пад лёзунгам — «Беласток — дом для ўсіх» — спрабуюць сарваць праварадыкалы.
Супраць шэсьця ўжо напярэдадні выказваліся нацыяналістычныя і рэлігійныя арганізацыі, каталіцкія герархі. Нягледзячы на гэта каля тысячы чалавек сабраліся ў цэнтры гораду і рушылі цэнтральнымі вуліцамі Беластоку ў суправаджэньні паліцыі.
#marszrówności w #Bialystok pic.twitter.com/GbE0RJdWVF
— Radio Białystok (@radiobialystok) July 20, 2019
#MarszRówności w #Białystok, źródło zdjęć: Podlaska Policja @podlaskaPolicja pic.twitter.com/JuE0S1uTdC
— Radio Białystok (@radiobialystok) July 20, 2019
Перашкодзіць ім у гэтым паспрабавалі некаторыя гараджане, псэўдазаўзятары і прадстаўнікі праварадыкальных арганізацый.
#MarszRówności #Białystok pic.twitter.com/aiO4MyXMPZ
— Obywatele RP (@ObywateleRP) July 20, 2019
Раней яны абяцалі на сваіх профілях у сацыяльных сетках блякаваць шэсьце.
Na miejsce rozpoczęcia marszu Równości docierają powoli, w niewielkich grupkach, jego uczestnicy. Jedna z nich została otoczona przez kibiców i opluta. Kibice uciekli, gdy pojawiła się policja@TOKFM_NEWS pic.twitter.com/bqJ2Tl52nR
— Jakub Medek (@JakubMedek) July 20, 2019
У бок удзельнікаў параду яны кідалі камяні, пэтарды і лаяліся. Паводле арганізатараў, некалькі чалавек атрымалі апёкі.
«Парад роўнасьці» адбываецца ў розных гарадах Польшчы. Яго ладзяць арганізацыі ЛГБТ. Удзельнікі мерапрыемства патрабуюць ад уладаў гарантаваць усім грамадзянам роўнасьць незалежна ад полу, сэксуальная арыетацыі, нацыянальнасьці, узросту і рэлігійнай прыналежнасьці.