У Луганскай вобласьці супрацоўнікі Службы бясьпекі Ўкраіны (СБУ) блякавалі незаконную перапраўку дызэльнага паліва з тэрыторыі Расеі.
На сайце СБУ паведамляецца, што апэратыўнікі выявілі падземны трубаправод у адным з памежных паселішчаў Навапскоўскага раёну Луганскай вобласьці. Трубаправод, пракладзены пад зямлёй, выкарыстоўваўся для перапампоўкі дызэльнага паліва. Труба выходзіла ў двор прыватнага дома. Паліва потым перавозілі на тэрыторыю былога прадпрыемства, дзе знаходзяцца ёмістасьці для захоўваньня гаручага.
Як паведамляе СБУ, «для легалізацыі кантрабанднага тавару правапарушальнікі заключалі фіктыўныя дамовы з прадпрыемствамі і прадавалі паліва фэрмэрскім гаспадаркам у Луганскай вобласьці».
Кошт канфіскаванага тавару і абсталяваньня складае каля паўмільёна грыўняў (каля 19 тыс даляраў). У СБУ адзначылі, што незаконны трубаправод дэмантаваны. Адкрытая крымінальная справа.
