У некалькіх вадаёмах Віцебскай, Магілёўскай і Менскай абласьцей выявілі факты гібелі рыбы. Прычыны высьвятляюцца. Магчыма, зьлівалі ў ваду хімікаты пасьля сельскагаспадарчых работ.
Пра гэта піша Дзяржаўная інспэкцыя аховы жывёльнага і расьліннага сьвету.
Памерлую рыбу знайшлі:
- у Дзяржынскім вадасховішчы;
- на возеры Званае ў Полацкім раёне;
- у рацэ Патачанка ў Докшыцкім раёне;
- у вадаёме ля вёскі Трылесіна ў Дрыбінскім раёне;
- у канале ля вёскі Ялча Чэрвеньскага раёну.
Рыбу накіруюць на вэтэрынарна-санітарную экспэртызу. Праводзіцца збор і ўтылізацыя рыбы. Выклікалі сьледчых.