Суд Маскоўскага раёну Менску 21 траўня аштрафаваў на 12 750 рублёў жыхара сталіцы за ілжывае паведамленьне аб мінаваньні станцыі мэтро «Малінаўка».
Паводле суду абвінавачаны ў стане алькагольнага апʼяненьня на плятформе станцыі мэтро «Малінаўка» сказаў дзяжурнай па станцыі, што хоча зьдзейсьніць выбух. Дзяжурная ня ведала, што інфармацыя ілжывая і перадала гэтую інфармацыю органам, якія забясьпечваюць праверку і нэўтралізацыю выбуховак.
Асуджаны ўжо быў раней судзімы. Новы прысуд не набыў законную моц і можа быць абскарджаны.