Пра затрыманьне Глеба Рубанава паведамляе «Беларуская асацыяцыя журналістаў» на сваім афіцыйным сайце. Паводле інфармацыі БАЖ, прыкладна ў 4:30 Глебу Рубанаву паведамілі, што нехта пашкодзіў яго аўтамабіль. Пасьля таго, як актывіст выйшаў з кватэры, ён быў затрыманы і дастаўлены ў Савецкі РУУС.
Раней, 21 сакавіка, IT-кансультанту Глебу Рубанаву патэлефанаваў чалавек, які прадставіўся ўчастковым. Паводле словаў актывіста, ён спрабаваў запрасіць Рубанава на размову з нагоды флэшмобу #яэкстрэміст.
ГЛЯДЗІЦЕ ТАКСАМА: «Першы прысуд за хэштэг». Міколу Дзядка аштрафавалі на 1020 рублёў за флэшмоб #яэкстрэмістФлэшмоб #яэкстрэміст быў распачаты актывістам Міколам Дзядком. Удзельнікі флэшмоба публікуюць у сацыяльных сетках свае фотаздымкі з матэрыяламі з Рэспубліканскага сьпісу экстрэмісцкіх матэрыялаў і хэштэгам #яэкстрэміст #яэкстремист. Сам Дзядок за ўдзел у флэшмобе 8 красавіка атрымаў штраф памерам 1020 рублёў.