Адкрыты турнір праходзіў у Санкт-Пецярбургу, найлепшы вынік сярод камандаў зь Беларусі паказала зборная некалькіх менскіх гімназій пад назвай «Саюзная дзяржава».
На фота бачныя шасьцёра ўдзельнікаў каманды, а на заднім фоне бел-чырвона-белы сьцяг, які трымае адзін зь яе ўдзельнікаў. Ягонага твару не бачна.
У гімназіі Радыё Свабода пацьвердзілі, што іх вучні сапраўды ўдзельнічалі ў конкурсе ў Санкт-Пецярбургу. Адзін з настаўнікаў, які рыхтаваў дзяцей да ўдзелу ў конкурсе паведаміў, што арганізатары конкурсу ў Расеі паставіліся да такой ініцыятывы абсалютна прыязна.
Вучні, якія выйшлі на ўзнагароджаньне з зь бел-чырвона-белым сьцягам сказалі Свабодзе, што такім чынам хацелі паказаць «Беларусь — асобная краіна».
«Ідэя у тым, што некаторыя жыхары Расіі лічаць, што Беларусь частка Расеі. А нам, як удзельнікам, гэта не падабаецца», — патлумачылі Свабодзе вучні.
Агулам у конкурсе ўдзельнічалі 12 розных каманд з Беларусі і Расеі.