У сталіцу Вэнэсуэлы Каракас напярэдадні прыбылі два самалёты Міністэрства абароны Расеі — Іл-62 і адзін з найбуйнейшых транспартных самалётаў у сьвеце Ан-124. У сеціве зьявіліся фатаграфіі і відэа зь лётнага поля. На кадрах — група мужчын.
Hoy #23Mar llegaron al aeropuerto de Maiquetía una comitiva de 99 militares rusos, al mando del ministro de la Defensa del país mayor gral Vasilly Tonkoshkurov. Fueron recibidos en rampa presidencial por la VA Marianny Mata #MaduroRegime @marcorubio pic.twitter.com/4plFmxjazM
— RT Noticias Venezuela (@RTnoticiasVE) March 24, 2019
Altri russi in Venezuela. Si parla di 100 uomini guidati da generale Vasily Tonkoshkurov. Forze speciali o contractors. Via Defence Blog and CNW. pic.twitter.com/xUdVxd8a05
— guido olimpio (@guidoolimpio) March 24, 2019
Паводле дадзеных мясцовага выданьня NoticieraDigital, у Вэнэсуэлу прыбылі 99 расейскіх вайскоўцаў або байцоў прыватных вайсковых кампаніяў на чале з генэралам Васілём Танкашкуравым, начальнікам Галоўнага штабу сухапутных сіл расейскай арміі. Пра гэта таксама пішуць блогеры, якія асьвятляюць падзеі ў Вэнэсуэле. Нейкіх пацьверджаньняў гэтай інфармацыі зь іншых крыніц няма. Афіцыйна Міністэрства абароны Расеі паведамленьні аб прыбыцьці ў Вэнэсуэлу самалётаў не камэнтуе.
Паводле дадзеных авіятрэкераў, самалёты прыбылі ў Каракас з Сырыі праз Дакар.
#23Mar ¡ATENCIÓN! Rusia desplegó aviones militares Antonov An-124 e Ilyushin IL-62 a Venezuela ➡️https://t.co/UUH5jWT9Dk#VenezuelaContraElTerrorismo #OperaciónLibertadVzla pic.twitter.com/wPoZkK7JRH
— Webinfomil.com (@Webinfomil) March 23, 2019
Як Ан-124, так і Іл-62 у апошнія месяцы ўжо бывалі ў Вэнэсуэле. Пра тое, што і каго яны перавозілі, таксама не паведамлялася. Агенцтва Reuters неўзабаве пасьля таго, як апазыцыянэр Хуан Гуайдо абвясьціў сябе часовым прэзыдэнтам, пісала пра прыбыцьцё ў краіну для абароны прэзыдэнта Нікаляса Мадура, якога падтрымлівае Расея, некалькіх соцень байцоў так званай «ЧВК Вагнера». Надзейнасьць крыніц агенцтва, аднак, была пастаўленая пад сумнеў, а прысутнасьць у краіне расейцаў пацьвердзіць не ўдалося.
ГЛЯДЗІЦЕ ТАКСАМА: Мадура заклікаў урад пайсьці ў адстаўку, каб «абараніць радзіму»У Вэнэсуэле ўжо трэці месяц працягваецца супрацьстаяньне паміж прыхільнікамі Гуайдо, якога прызналі легітымным часовым прэзыдэнтам ЗША і большасьць краін Эўропы і Паўднёвай Амэрыкі, і Мадура, у руках якога застаецца рэальная ўлада. Гуайдо напярэдадні заявіў, што рэжым Мадура «перажывае апошнія дні», а Мадура абвінаваціў Гуайдо ў падрыхтоўцы замаху на яго. Вэнэсуэльскі міністар сувязі, турызму і культуры Хорхе Радрыгес, у сваю чаргу, заявіў, што за апошнія два месяцы з рахункаў Вэнэсуэлы ў міжнародных банках «было выкрадзена» каля 30 мільярдаў даляраў. Адказнасьць за гэта ён усклаў на адміністрацыю ЗША.